İran xarici gəmini yanacaq qaçaqmalçılığına görə heyəti ilə birlikdə saxlayıb

Müəllif: Sevgul Gasimzade
Nəşr edilmişdir: 20.05.2022 09:56

İran hakimiyyəti ölkə xaricinə qaçaqmalçılıq yolu ilə yanacaq keçirmək istəyən xarici gəmini ələ keçirib və ekipaj üzvlərini həbs edib.

Allmarinenews xarici mətbuata istinadən xəbər verir ki, 550.000 litrdən çox yanacaqla yüklənmiş gəmi körfəzdə ələ keçirilib. Agentlik əlavə edib ki, daha sonra o, Hormozqan əyalətindəki limana aparılıb və orada araşdırma üçün ədliyyə orqanlarına təhvil verilib.

Qeyd edək ki, son aylarda bir neçə gəmi körfəzdə yanacaq qaçaqmalçılığına görə İran hakimiyyəti tərəfindən saxlanılıb.