Yaponiyada yük gəmisi batıb

Müəllif: Sevgul Gasimzade
Nəşr edilmişdir: 26.01.2023 10:36

Yaponiyanın cənub-qərbindəki Naqasaki sahilində 22 nəfərlik heyətdən ibarət Honq-Konq bayrağı altında üzən 6551 tonluq “Jintan” yük gəmisi batıb.

Allmarinenews Türkiyə mediasına istinadən xəbər verir ki, bu barədə Kyodo agentliyi məlumat yayıb.

Danco adalarından 110 kilometr qərbdə batan gəmidə olan 22 ekipaj üzvündən 4-ü xilas edilib.

Yük gəmisinin ekipajından 14-nün Çin, 8-nin isə Myanma vətəndaşı olduğu açıqlanıb .

Xİlasetmə işləri hələ də davam edir.