Yaponiya şirkətləri Qırmızı dənizdə daşımaları dayandırıb

Müəllif: Sevgul Gasimzade
Nəşr edilmişdir: 18.01.2024 09:47

Yaponiya gəmiçilik şirkətləri Qırmızı dənizdə gərginlik səbəbindən daşımaları dayandırıb.

Allmarinenews xəbər verir ki, bu barədə NHK telekanalı məlumat yayıb.

Daha əvvəl qeyd edilib ki, bu qərarı nəqliyyat şirkəti “Nippon Yusen” verib.

Bildirilib ki, Yaponiyanın digər iki iri daşıyıcı şirkəti “Mitsui O.S.K. Lines” (MOL) və “Kawasaki Kisen” Qırmızı dənizdəki bütün daşımaları müvəqqəti dayandırmaq qərarına gəlib.

Qeyd edilib ki, indiyədək həmin üç şirkət belə bir məhdudiyyəti yalnız İsraillə əlaqəli gəmilər üçün tətbiq edib, indi isə bu, bütün gəmilərə şamil olunacaq.

Vurğulanıb ki, gəmilər digər marşrutlar üzrə, xüsusən Ümid burnu vasitəsilə göndəriləcək, lakin bu, daşıma xərclərinin artmasına səbəb olacaq.