Uçmuş Baltimor körpüsü ABŞ-də 81 mlrd. dollarlıq ticarət böhranına səbəb olub

Müəllif: Sevgul Gasimzade
Nəşr edilmişdir: 28.03.2024 11:32

Uçmuş Baltimor körpüsü ABŞ-də 81 mlrd. dollarlıq ticarət böhranına səbəb olub. “Daily Mail”in məlumatına görə, çöküş ABŞ-dan ixrac edilən mallar üçün doqquzuncu ən böyük mərkəzin bağlanmasına səbəb olub. O, ildə 52 milyon ton yük daşıyır. Hazırda “ixrac limanı”nda 10 iri tonajlı gəmi ilişib qalıb.

Allmarinenews xarici mediayaya istinadən xəbər verir ki, Co Bayden məsələni öz nəzarəti altına götürüb. O, federal hökumətin körpünün yenidən qurulmasının bütün xərclərini ödəməsini və Konqresin tələbi dəstəkləməsini tələb edəcəyinə söz verib.

Qeyd edək ki, çökmə nəticəsində azı 6 nəfər həlak olub. ABŞ Sahil Mühafizəsi nümayəndəsinin dəqiqləşdirdiyi kimi, fövqəladə hadisə yerində axtarış-xilasetmə əməliyyatları hələlik dayandırılacaq.