Tailandda tankerdə partlayış baş verib, 8 işçi itkin düşüb

Müəllif: Sevgul Gasimzade
Nəşr edilmişdir: 18.01.2023 13:43

Tailandda Muanq rayonunda Meklonq çayında neft daşıyan tankerin partlaması nəticəsində 8 nəfər itkin düşüb.

Allmarinenews xəbər verir ki, bu barədə “Bangkok Post” məlumat yayıb.

“Smooth Sea 22” tankerinin göyərtəsində baş vermiş partlayışla bağlı məlumat yerli vaxtla 09:17 radələrində polisə daxil olub.

Tanker gəmiqayırma zavodunda müntəzəm texniki baxışdan keçirmiş və onun çənləri boş idi.

Bildirilib ki, partlayış bir neçə kilometr radiusda eşidilib. Təxminən, bir saatdan sonra gəmidəki yanğının nəzarət altına alındığı barədə məlumat verilib.