Qara dənizdə fırtınaya düşən Türkiyə gəmisi batıb, 1 nəfər həyatını itirib - VİDEO

Müəllif: Sevgul Gasimzade
Nəşr edilmişdir: 21.11.2023 15:26

Türkiyənin Daxili İşlər Naziri Ali Yerlikaya Qaradənizin “Ereğli” sahillərində batan "Kafkametler" gəmisinin batdığı anın görüntülərini paylaşıb.

Allmarinenews xəbər verir ki, bu barədə ölkənin Daxili İşlər Nazirliyi məlumat yayıb.

Gəminin batması nəticəsində 12 türk ekipaj üzvündən birinin cansız cəsədi tapılıb.

Digər 11 heyət üzvünün axtarış və xilasetmə işləri davam etdirilir. 

Qeyd edək ki, Rusiyadan İzmirin “Əliağa” limanına yük daşıyan Türkiyə gəmisi Qara dəniz bölgəsində fırtına səbəbindən “Ereğli” limanına sığınıb. Burada yenidən hərəkətə keçən gəmi ilə daxili limandan ayrıldıqdan qısa müddət sonra əlaqə kəsilib.