Panama kanalı administrasiyası şirin su üçün tarifləri artıracaq

Müəllif: Sevgul Gasimzade
Nəşr edilmişdir: 29.09.2023 12:44

Panama kanalı administrasiyası (ACP) 2023-cü il oktyabrın 1-dən etibarən Təmiz Su üçün Əlavə Ödəniş (FWS) tətbiq edir. Bu, kanaldan keçmək üçün gəmilərin maksimum suya oturumunu idarə etmək niyyətilə göstərilən səylərin bir hissəsidir.

Almarinenews xəbər verir ki, FWS-nin tətbiqindən   məqsəd misli görünməmiş quraqlığa görə, azalmış şirin su ehtiyatını və Qatun gölünün səviyyəsini artırmaqdır.

Əlavə ödəniş kanaldan keçən ümumi uzunluğu 38,1 metrdən çox olan bütün gəmilərə şamil edilir.

Mütəxəssislər Panama kanalındakı su anbarlarında suyun həcminə təsir edən iqlim dəyişiklikləri diqqətlə izləyir və El Nino fenomeninin yaxın aylarda vəziyyəti daha da pisləşdirəcəyi barədə xəbərdarlıq edirlər.