Metanola tələbat azaldıqca LNG alternativ yanacaq gəmisi sifarişlərində üstünlük təşkil edir

Müəllif: Sevgul Gasimzade
Nəşr edilmişdir: 03.12.2024 17:42

 LNG 2024-cü ilin sonunda alternativ yanacaqla işləyən gəmi sifarişləri üçün dominant seçim olaraq qalıb və noyabr ayında verilmiş 27 yeni sifarişdən 23-nü təşkil edib.

Allmarinenews xəbər verir ki, bu barədə DNV beynəlxalq təsnifat cəmiyyəti məlumat verib. Bildirilib ki, konteyner daşıma seqmenti LNG-nin qəbulunda liderlik etməyə davam edir və noyabrın sifariş kitabına 15 gəmi qatıb, avtomobil daşıyıcısı seqmenti isə 6 LNG yanacaqlı gəmi əlavə edib. Bundan əlavə, eyni müddət ərzində ammiakla işləyən dörd gəmi sifariş edilib. Belə olduqda metanola tələbat olduqca azalıb.

 Metanolla işləyən konteyner gəmiləri üçün sifarişlər 2023-cü ildə 51%-dən 2024-cü ildə cəmi 21%-ə düşüb. Bu azalma göstəricisi müxtəlif problemlər, o cümlədən tədarük zənciri problemləri, emal xərclərinin artması və istehsal gecikmələri ilə əlaqələndirilir.