İran Yunanıstana nota verdi

İran Yunanıstana nota verib.

Allmarinenews xəbər verir ki,  Yunanıstanın müvəqqəti işlər vəkili İranın Xarici İşlər Nazirliyinə çağırılıb.

Yunanıstan sularında İran İslam Respublikası bayrağı altında yük gəmisinin ələ keçirilməsindən sonra bu gün Yunanıstanın Tehrandakı səfirliyinin müvəqqəti işlər vəkili Xarici İşlər Nazirliyinə çağırılıb.

Etiraz notasında İran İslam Respublikasının bayrağı altında üzən gəminin ələ keçirilməsinin beynəlxalq piratçılıq olduğu bildirilib. Bildirilib ki, bu məsuliyyət Yunanıstan hökumətinin üzərinə düşür:

“İran İslam Respublikası üzərinə düşən hüquqi prosedurları yerinə yetirr və Yunanıstan hökumətindən beynəlxalq öhdəliklərə əməl edilməsini gözləyir.”

İranın Limanlar və Dənizçilik Təşkilatı bildirilib ki, şəxsi heyətin və gəminin təhlükəsizliyini qorumaq üçün nəqliyyat vasitəsi Yunanıstan sahillərinə sığınıb.

Bəyanatda Yunanıstan hökuməti dərhal beynəlxalq öhdəliklərə dərhal əməl edilməyə çağırılıb.

Təşkilat İran İslam Respublikası bayrağı altında gəminin Yunanıstan hökuməti tərəfindən sahillərində dayandırıldığını və yükünün məhkəmə qərarı və ABŞ hökumətinin koordinasiyası ilə ələ keçirildiyini bildirib:

“Gəmi personalın və özünün təhlükəsizliyini qorumaq üçün sahilə çıxıb. Yunanıstan hökuməti təəssüf ki, gəmi ilə heç bir əməkdaşlıq və yardım etməyib. Hərbiçilər yükləri təxliyə edib ki, bu da piratçılığın bariz nümunəsidir”.

Bəyanatda gəminin əlverişsiz hava şəraiti ilə üzləşdiyi bildirilib.

“Beynəlxalq və texniki qaydalara və standartlara görə, təhlükəsiz vəziyyətdə olan, köməyə ehtiyacı olan gəmilər sahilə yaxın olan ölkə tərəfindən təhlükəsiz limana köçürülməli, ardınca təmir işləri aparılmalı və təhlükə aradan qaldırıldıqdan sonra yoluna davam etdirilməlidir. İran Limanlar Təşkilatı dünən gecədən etibarən məhkəmənin hökmü olduğununu iddia edərək gəminin yükünün müsadirə edildiyini, amerikalıların gəminin yükünü boşaltdığını qeyd edərək, Yunanıstan hökumətini bu hərəkətinə son qoymağa çağırıb”,- deyə bəyanatda vurğulanıb.