Çinin üçüncü təyyarədaşıyan gəmisi dəniz sınaqlarından uğurla keçib

Müəllif: Sevgul Gasimzade
Nəşr edilmişdir: 13.05.2024 14:30

Çin Xalq Azadlıq Ordusunun üçüncü təyyarədaşıyan gəmisi “Futzyan” ilk dəniz sınaqlarını uğurla başa vurub.

Allmarinenews xarici mediaya istinadən xəbər verir ki, sınaqlar zamanı güc mühərriklərinin, elektronika və digər avadanlıqların işi yoxlanılıb. Gözlənilən nəticələr əldə edilib. Sınaqlar müəyyən edilmiş plana uyğun davam etdiriləcək.

Xatırladaq ki, Çin Hərbi Dəniz Qüvvələrinin hazırda xidmətdə olan üç təyyarədaşıyan gəmisi var – “Lyaonin”, “Şandun” və “Futzyan”.  İlk iki gəmi adi mühərriklərlə təchiz olunub. Üçüncü aviadaşıyan onlardan daha böyükdür və təyyarələr üçün elektromaqnit katapultlardan istifadə edir.

Həmçinin əvvəllər məlumat verilmişdi ki, Çin Hərbi Dəniz Qüvvələri tezliklə dördüncü təyyarədaşıyıcısını təqdim edəcək.