Beynəlxalq Dəniz Təşkilatı Assambleyasının 33-cü sessiyası keçiriləcək

Noyabrın 27-də Beynəlxalq Dəniz Təşkilatını Assambleyasının Londonda 33-cü sessiyası keçiriləcək.

Allmarinenews xəbər verir ki, bu barədə Beynəlxalq Dəniz Təşkilatının rəsmi məlumatında deyilir.

Dekabrın 6-dək davam edəcək tədbirdə  təşkilatın 175 üzvü və üç assosiativ üzvü iştirak edəcək. 

İclası IMO-nun prezidenti, Filippinin BMT-dəki daimi nümayəndəsi Antonio Manuel Laqdameo açacaq. O, bu il vəzifəsini tərk edir.

İMO-nun baş katibi Kitak Lim də Assambleyada çıxış edəcək.

Assambleyanın bir sıra əməkdaşlarının, o cümlədən onun prezidenti, iki vitse-prezidenti, bir sədr və digərlərinin seçiləcəyi, üç komitənin – mandat, inzibati, maliyyə, hüquqi və texniki əməkdaşlıq və texniki məsələlər üzrə və digər komitələrin yaradılması nəzərdə tutulur.

IMO-nun 40 nəfərdən ibarət yeni Şurası da iki il müddətinə seçiləcək. Seçkilər dekabrın 1-də gizli səsvermə yolu ilə keçiriləcək.

Bundan əlavə, mərkəzi tədbir Arsenio Dominqes Velaskonun (Panama) IMO-nun baş katibi təyin edilməsi olacaq. Onun namizədliyi 2024-cü il yanvarın 1-dən başlayaraq 4 il müddətinə təsdiq üçün təklif olunacaq.

İşin nəticələrinə əsasən, nümayəndə heyətinin təşkilatın işinin əsas aspektləri üzrə bir sıra qətnamələr qəbul edəcəyi gözlənilir.