Azərbaycan Bakı Limanının ötürmə qabiliyyətini artırmaq istəyir

Müəllif: Sevgul Gasimzade
Nəşr edilmişdir: 24.10.2022 15:55

"Biz Bakı Beynəlxalq Dəniz Ticarət Limanının ötürmə qabiliyyətini 15 milyon tondan 25 milyon tona çatdırmaq istəyirik".

Allmarinenews xəbər verir ki, bunu Prezident İlham Əliyev Gürcüstanın Baş naziri İrakli Qaribaşvili ilə keçirdiyi görüşdən sonra mətbuata verdiyi birgə bəyanatda deyib.

"Artıq bütün göstərişlər verilib və vəsait də ayrılacaq. Ona görə Gürcüstanla Azərbaycan arasında nəqliyyat sahəsində sıx koordinasiya aparılmalıdır. Çünki bizim birgə layihələrimiz eyni vaxtda tamamlanmalıdır", - dövlət başçısı bildirib.